GIVE Online

Nasaan na tayo ngayon? (Paghahanda para sa Disyembre 5, Ikalawang Linggo ng Adbiyento) PDF Print E-mail

Tingnan natin kung nasaan tayo ngayon--ang ating disposiyon at ang lagay ng ating katawan at pag-iisip. Samahan si Bro. Jun-G Bargayo, SJ at ang ating virtual community sa pagmumuni at pagdarasal tungkol sa Ebanghelyo natin ngayong Linggo...


 Nang mga panahong iyon, dumating si Juan Bautista
sa ilang ng Judea at nagsimulang mangaral.
Ganito ang kanyang sinasabi,
"Magsisi na kayo at talikuran ang inyong mga kasalanan,
sapagkat malapit nang dumating ang kaharian ng langit!"

Si Juan ang tinutukoy ni Propeta Isaias nang sabihin niya,

Ito ang pahayag ng isang taong sumisigaw sa ilang:
"'Ihanda ninyo ang daraanan ng Panginoon,
gumawa kayo ng mga tuwid na landas na kanyang lalakaran!'"

Gawa sa balahibo ng kamelyo ang damit ni Juan,
at sa balat naman ng hayop ang kanyang sinturon.
Ang kanya namang pagkain ay balang at pulot-pukyutan.
Dinayo siya ng mga tao mula sa Jerusalem, sa buong Judea,
at sa magkabilang panig ng Ilog Jordan.
Ipinahayag nila ang kanilang mga kasalanan,
at sila'y bininyagan niya sa Ilog Jordan.

Nang makita niyang lumalapit din sa kanya
ang maraming Pariseo at mga Saduseo upang magpabinyag,
sinabi niya sa kanila, "Lahi ng mga ulupong!
Akala ba ninyo'y makakatakas kayo sa parusa ng Diyos?
Patunayan muna ninyo sa inyong mga buhay
na kayo'y talagang nagsisisi na, at huwag ninyong akalain
na makakaiwas kayo sa parusa ng Diyos
dahil sinasabi ninyong ama ninyo si Abraham.
Sinasabi ko sa inyo na kahit sa mga batong ito
ay makakalikha ang Diyos ng tunay na mga anak ni Abraham.
Ngayon pa lamang ay nakahanda na ang palakol sa ugat
ng mga punongkahoy; ang bawat punong hindi mabuti ang bunga
ay puputulin at itatapon sa apoy.

Binibinyagan ko kayo sa tubig bilang tanda ng inyong pagsisisi
at pagtalikod sa kasalanan. Ngunit ang darating na kasunod ko
ang siyang magbabautismo sa inyo sa Espiritu Santo at sa apoy.
Higit siyang makapangyarihan kaysa akin;
ni hindi man lamang ako karapat-dapat magdala
ng kanyang sandalyas.
Hawak na niya ang kanyang kalaykay upang alisin ang dayami.
Titipunin niya sa kamalig ang trigo
ngunit ang ipa ay susunugin
sa apoy na di mamamatay kailanman."


Bago ako pumasok sa Kapisanan ni Hesus, kasama sa mga ginagawa ko dati ang mag-organize  ng mga conferences o malalaking kaganapan. Base sa aking karanasan, ang isang international conference na dadaluhan ng higit-kumulang walong libong kabataan ay pinaghahandaan ng isang buong taon. Maraming detalye ang kinakailangang tutukan--mula sa pagtatala ng mga kalahok, matutulugan, pagkain, transportasyon hanggang sa actual program upang masigurado ang tagumpay ng nasabing conference. Bago pa man magsimulang kumilos, kinakailangang malaman kung anu-ano ang mga dapat paghandaan. Mahalaga ang malaman kung ano ang meron at wala para malaman kung ano dapat ang tututukan sa gagawing paghahanda.

Naisip ko na mahalaga para sa aking paghahanda sa Pasko ang mapagnilay-nilayan kung ano man ang kalagayan ko ngayon. Gaano na kalalim ang aking ugnayan sa aking sarili, sa kapwa, at sa Kanya. Sa ganoon, malalaman ko kung saan ako magsisimula sa aking paghahanda.

Kaya naman, sa ating paghahanda sa darating na Pasko, isaalang-alang nating ang mungkahi ng ating Ebanghelyo sa parating na Linggo: Tingnan natin kung nasaan tayo ngayon--ang ating disposiyon at ang lagay ng ating katawan at pag-iisip. Kung may makita tayong baluktot sa ating pamumuhay, atin itong ituwid. Kung may mapansin tayong nawawala sa ating sarili, atin itong sikaping matamo. Kung may mapuna tayong pagkakamali sa ating mga ginagawa, atin itong itama.

Kapag nagawa na natin ang mga ito, maaari na rin nating simulan ang paghahanda sa Kanyang pagdating.

- Bro. Jun-G Bargayo, SJ    


"All things are ready,
if our minds be so."

William Shakespeare

"Handa na ang lahat ng bagay
kung ang ating isip ay handa na."


Nasaan ka na ngayon?
Baka makatulong sa iyo--at sa iba--kung isulat mo sa ibaba.
Hindi naman kailangang ilagay ang iyong pangalan.
Subukan mo lang...
Ingles man o Filipino --kahit Tag-lish--
i-share mo na sa ibaba!

D-Modules: Comment service


Prepare for the rest of the readings this December 5.
Open your bible to:
Isaiah 11: 1-10
Romans 15: 4-9
Matthew 3: 1-12

Or click here for the readings.
 
See you again next week!
 
spacer
spacer

 

The more than 300 men of the Philippine Province of the Society of Jesus serve in five universities, numerous schools for basic education, two diocesan major seminaries, three urban and five rural parishes... (READ MORE)

 

Thank you for considering a donation to help our mission.

 

 

 

 

Your gift will be much appreciated and put to good use. Be assured, too, that you will be with us in our prayers, Masses and apostolic works, even as we also ask you to continue to pray for us. 

 

 

Sincerely yours in the Lord, 

JOSE C. J. MAGADIA, S.J.
Provincial 

 

Home Past Articles
Curious about something? Trying to find a Jesuit? Or just want to give us some feedback? Send us a quick note!







Copyright © 2012. The Philippine Jesuits.